Parikan

Parikan

Parikan yaiku unen-unen ingkang kadadeyane ngginakaken purwakanthi guru swara. Saben saukara kadadeyane saka rong gatra, saben sagatrane isi 4 wanda/8 wanda. Ukara kapisan minangka pambuka (purwaka) lan ukara kapindho menika wase utawa isine (maksude) kang dadi bukune.

            Dene gunane pembuka menika namung diaggo narik kawigaten tiyang ingkang guneman, supados nggatekake marang isine ingkang bakal diucapaken wonten ing ukara kapindho.

Miturut cacahing wanda, parikan menika kaperang dados 3, inggih menika:

a.       Parikan ingkang kadadeyane saking (4 wanda + 4 wanda) x 2

Tuladha:

-          Tawon madu, ngisep sekar

Calon mantu, kedah sabar

-          Wajik kletik, gula jawa

Kalah dhisik, ora papa

b.      Parikan ingkang kadadeyan saking (4 wanda + 8 wanda) x 2

Tuladha:

-          Cengkir wungu, wungune ketiban daru

Watak guru, kudu sabar momot mengku

-          Sarung elek gak becik dibunteli mori

Wurung nyalek, gak apik yen bunuh diri

c.       Parikan ingkang kadadeyan saking (8 wanda + 8 wanda) x 2

Tuladha:

-          Ara-ara pinggir ori

Pari ketan ditapeni

-          Ora ngiro yen asari

Demenan marang surani